كيكة البف باستري

اهلين وسهلين ومرحبتين بالجميع..



جايبه لكم اليوم طبق حلااا خيااالي اتمنى يعجبكم..


حق رمضاااان


وهو عبارة عن كيكة بالبف باستري..

باترككم الحين مع الطريقة والمقادير..

سوي أي كيكة تضبطينها او كيكة الكرتون الجاهزة انا سويت كيكة الزبادي وحطيتها بالقالب المجوف ومقاديرها
في الخلاط : علبة زبادي – ونفس العلبة سكر- ومثلها زيت – 3 بيضات – فانيلا - ثم يخلط جيدا ويضاف 1 ونصف دقيق ( بنفس مقاس علبة الزبادي ) – ملعقة كبيرة ممسوحة بكنج بودر وتخلط وتصب في الصينية وتدخل الفرن
بعد ان تنضج تترك لتبرد ثم نفتحها من الوسط..

الحين صار عندنا شريحتين من الكيكة نضع الشريحة السفلية في طبق التقديم عشان إذا زيناها ما عد نقدر نشيلها مره ثانية ونشربها بعصير أناناس أو فواكه مشكلة

نسوي خلطة الدريم ويب 3 ظرف – 6 حبات جبن مثلث – علبة قشطة – بيالة حليب سايل بارد – فانيلا وتخلط جيدا

نضع كمية من الدريم ويب على الطبقة السفلية من الكيكة ونفرده بالتساوي

ثم نضع الطبقة الثانية من الكيكة ونشربها بقليل من العصير

بعد ذلك نغطي الكيكة بالدريم ويب من جميع الجهات

نحضر باكيت عجينة البف باستري ونقطع المربع الواحد إلى 16 مثلث

نصف المثلثات في صينية ثم ندخلها الفرن

وهذا بعد ما استوت

ثم نبدأ بصف المثلثات على سطح الكيكة من الجوانب على شكل حلقة


باقي البف باستري يفتت ويوضع على جوانب الكيكة ويرش على الوجه


نضع على النار نصف كاس سكر مع قليل من الماء وإذا ذاب جيدا وبدأ بالغليان بدون أن يتغير لونه نضع عليه نصف علبة قشطه ونحركه جيدا


نصبه على وجه الكيكة وعلى الأطراف بواسطة الملعقة






وبكذا تكون الكيكة جاهزة للأكل