الطريقه:
اعجني عجينة فطاير اي عجينه تكونين متعوده عليها وتضبط معاك
وانا راح اعطيكم طريقتي بس اكيد عندكم طرق افضل في العجين
شوفوا هنا انا كاتبه طريقة عجينه انا استعملها لكل شي للفطاير والبيتزا وخلية النحل
هنا طريقة العجينه
بعد ماتعجنينها طبعا وتتركينها تخمر قطعيها كور صغار وافردي كل كوره الى
اقراص صغيره..
راح استخدم الشوايه الكهربائيه
ادهنيها زيت وسخنيها وبعدين حطي حبتين من العجين عشان اسرع للوقت
ولو تاخذ اكثر من حبتين حطي..
المهم سكري الشوايه واتركيها تقريبا دقيقتين وشوفي شكل الفطاير شلون طلع
تنتفخ ومتحمره..اهم شي تكون الشوايه حاميه..ولاترا تصير يابسه الفطاير..
طلعيهم ولازم تغطيهم بعد ماتستوي عشان لاتنشف وتخرب..ادهني الشوايه مره ثانيه
وحطي عجين ثاني وكملي لحد ماينتهي المقدار ماياخذ وقت كثير..
لما يبرد قصيه كل حبه لنصفين
انا احفظها كلها بعلبة بلاستيك واحطها بالفريزر بدون حشو لشهر رمضان الله يبلغنا
مثلا
-ادهنيها شوية جبن سايل +شريحه بيض مسلوق+شريحه جبن+شريحه طماطم
-ادهني شوي مايونيز+شريحه مارتدلا+شريحه جبن+شريحه خيار او خس مفروم
-طعميه+طحينه+خيار مخلل
-دجاج مع خضار مضاف له شوي مايونيز والوجه غطيه بجبن تشدر مبشور
((هاذي تطلع مرررره حلوه))
الإثنين أغسطس 11, 2008 5:58 am
