افكار رمضان للنساء ولا في مانع اذا شاركوا الرياييل

يالله حيهم وياهلا بكم

هذا موضوع نسائي لكن مايمنع نخليكم تعرفون يالرياييل وش السالفة وتعلموه من حريمكم

انتم تعرفون اننا مقبلين على رمضان والحريم الله يعينهم محتاجين شوية مساعدة

فعلشان كذا مافيه مانع يالريييل ان الواحد يساعد حرمته

ولافيه داعي انه كل واحد فيكم يطلع لي فيها و يسوي فيه رجال حمش

موعيب انه الريال يساعد زوجة فأنتوا يالرياييل مب احسن ولا بافضل من الرسول صلى الله عليه وسلم

عموما مانبيكم تغسلون ولا تطبخون المساعدة بسيطة وهي

اتعلمون من زوجاتكم او انتوا اتعلمونهم واتعلمون خواتكم

اليكم بعض الافكار لشهر رمضان
لتجميد الفطاير والسمبوسة وغيرها ولتوفير الوقت

1- الفطائر :
اصنعي عجينتك المفضلة واحشيها بأي حشوة تحبينها ثم رشي الصينية
بشوية دقيق وصفي الفطائر بعد لفها ثم ضعي الصينيه بالفريز علشان كل
فطيرة تجمد لحالها علشان ما تلتصق مع بعض خليها بالفريز لمدة ساعة ثم
طلعيها وصفيها في المرتبان او حافظة واغلقيها جيدا واعيديها للفريز لحين
وقت التقديم لو بعد شهر .2-
البيتزا :
بنفس الطريقة اعجني العجينة وقصيها دوائر وصفيها في صينية مرشوشة
بالدقيق ثم ادخلي الصينية للفريزر ثم بعد ساعة طلعيها بتلاقي كل دائرة مجمدة
لحالها صفيهم بالحافظة واغلقيها جيدا ثم ادخليها ( ما عليك بعدين الا انك تطلعين
دوائر البيتزا مثل الاقراص ضعي عليها حشوة البيتزا وفي الفرن على طول ) ..3-
ورق العنب :
لفي ورق العنب وصفي في كل علبة حسب المقدار الي تحتاجينه
في اليوم وادخلية الفريزر .
4- السنبوسة :
طبعا الكل اكيد عارفها لفيها بالحشوة الي بتحبيها وصفيها في الحافظة وادخليها الفريز .5-

البف بستري :
عجينة البف بستري المربعات احشيها بجبنة كيري ولفيها على شكل مثلثات وصفيهم في صينية مرشوشة بدقيق وجمديهم لمدة ساعة ثم صفيهم في حافظة ودخليهم بالفريزر لحين وقت التقديم.
6- السمبوسك :
وطريقتة : 2 كيلو دقيق+ ثلث كيلو زيت + بيضة+ ربع كيلو ماء تعجن مع بعض وتحشى
بحشوة لحم مفروم او عجينة اخرى: كيلو دقيق و1 قشطة تعجن مع بعض وتحشى - طبعا
بعد ما نعجنها ونحشيها ونلفها نرش فوقها شوية دقيق ونفرزها لحين الاستخدام.

خلصنا الحين وش باقي عاد الله يسلمكم
اولا ...... نبي دعوة طيبة
ثانيا .... ترسلون لي اذوق من اللي تسوون
ثالثا ..... تقبل الله صيامكم وقيامكم

]

تسلمين يا الغاليه
وعساج من عواده

ينعاد علينا وعليج

افكار رمضان للنساء ولا في مانع اذا شاركوا الرياييل 7550