اشعار حلوة جربوا اقرأوها

هاااااااااااااااااااااااااااي ..

جبت لكم ((( أبيات شعر ))) انشاء الله تعجبكم:

************************************************** ***********

عندك خبر وش قيمتك في حياتي
غالي ولك فيها مكانة وتأثير
مهما افترقنا لك محبة بذاتي
فيها الوفا رمز على كل تقدير
مااقول غير انك بصمه في حياتي
ولااقول غير ...
(((( الله يذكرك بالخير ))))

************************************************** *********

محد يشق القلب من غير تفكير
حتى الدكاتر ترتجف ثم تحتار
الحب يشق الجوف من دون تخدير
ويبني قصور بداخل القلب وأنهار
هذي نصيحة قلتها بصدق وتعبير
وأرسلتها للي حافظن كل الأسرار

************************************************** ********

سلام ..
أحلى من عبير النواوير
للي غلاهم داخل الدم جاري
من راس منهو مايحسب المخاسير
يبيع عمرة لاغدا الكل شاري
للرفيق اللي عشرته ياعرب غير
غايب وهو دايم البال طاري

************************************************** ******

جمرة وفا شبيتها لأزرق العود
من شان تبقى ريحته فيك تختال
وشبيت نار سامرت نفحة النود
وولمت لك دله وصبيت فنجال
روح المحبة ترتمي فيك وتعود
وتحن لك لبطيت ياطيب الفال

************************************************** *****

وتحيااااااااااااااااااااااااااااتي .. للجميييييييييييع ..

منقووول لعيووونكم

والسموحه اختكم بحرينية سمره