قصايد للسمو الشيخ حمدان بن محمد

السلام عليكم ورحمة الله وبركاته اليوم حبيت اني احط لكم قصايد للشاعر حمدان بن محمد بن راشد

والصراحه هم وايد روعه واتمنى انهم يعجبونكم

• أنا في الشعر..
  أنا في الشعر ابن هذاك إذا إنته تعَـرْف الشعـرأهيجْ في البحور أمواج، أمشّيهـا علـى كيفـي
  واقول لك لا تجاريني ترى أمشي بـدربٍ وعـر واذا تبغي تجاريني تـرى لـك صامـدٍ سيفـي
  ولا تضمن تحوز النصر وانا بحـرٍ وانتـه نهـر واذا عارضت تيّـاري تبـرّى موجـي وْسِيْفـي
  وكم من واحدٍ غيرك تعرّض لي وجـاه الكسـر ودارت به هبوب رْيَاح فـي أقـوى عواصيفـي
  تهاجم سايل الأقلام وسطـرٍ مـا يهـزّه سطـر وإنتـه وينهـا افكـارك عـن بْيوتـي وْتهديفـي
  تبا روس العلا وانته تحوّل فـي طريقـك حـدر تحاول بس مـا تِقْـدَرْ بـأن توصـل مشاريفـي
  نجـوم الليـل ماتنـوِرْ إذا بيّـن شعـاع البـدر وش اللي يجمع الوسمي على سحب ورْعد صيفي
  تشوف الجاذبيّه لي فـي هالدنيـا تجـرّك جـر أنا عكسه أفرّك ويـن مـا أبغـي علـى كيفـي
  
  
  
  من هو «فزاع»؟
  
  أنا عنواني اشعاري واسمـي فـي معانيهـا وأوّل بيت أنا قلتـه غـدا تاريـخ ميـلادي
  إذا تنشِدْ عن أخبـاري مـن اوّلْهـا لتاليهـا أنا اشعاري هي اخباري على ما اْريد تنقادي
  وانا أمّي إماراتي ولِدْت وعش أنـا فيهـا وابوي أمجاد عرباني وطاري ماضي اجدادي
  واخواني أنا المليار مسلـم فـي أراضيهـا وانا القرآن والسِنّـه غَـدَوا زادي وزوّادي
  أعيش هْمومي وفَرْحي ولا لي نيّـه أخفيهـا وأكبر همّي المقدس وطفـلٍ جنبـه يْنـادي
  يهزّ بْصَرْخته أرضٍ نوى الصهيون يمحيهـا من التاريخ، والعالم وقَفْ مكتـوف الايـادي
  وانا ايّامي هـي اسْتـاذي تعلّمنـي لياليهـا فـلا خيـرٍ بإنسـانٍ يِفـادْ ولا بَعَـدْ فـادي
  و(زايد) قِدْوِتي (زايد) و(زايد) م بلادها شانهـا عالـي باسمـهْ دايـمْ تْشـادي
  وروحي (محمّد المغوار) ابن راشد يغذّيهـا من أشعاره من أفكاره، بنيت بْمجدهْ امجـادي
  مرَبِنّي على الجودْ وعلى المعروف واحميها بلادي حبّي الأول ولا لـي غيرهـا بـلادي

[url=][

العفو حبيبتي

ومشكوره على المرورو